Sub la falmenuo 'Aliaj' estas tri novaj menueroj: Internacia Fonetika Alfabeto, Araba Klavaro kaj Hebrea Klavaro.

Elekto de Internacia Fonetika Alfabeto montros la suban dialogon. Surklako sur butono enmetos la respondan simbolon en la dokumenton ĉe la pozicio de la kursoro.

Ĝenerale, simboloj kiuj baziĝas sur alfabeta litero estas en la supra duono; supersignoj kaj subsignoj estas en la malsupra duono. La butono ĉe la supro-dekstro (⌫) forviŝas antaŭan signon. Maldekstre de tio estas spac-butono.

Simile, la menueroj Araba Klavaro kaj Hebrea Klavaro montros la subajn dialogojn. Ĉi tiu funkcio plej utilas por tiuj kiuj ne kapablas tajpi per araba aŭ hebrea klavaro. Tiuj kiuj povas verŝajne preferus elekti klavaron de la menuo Klavmapo. Vidu la paĝojn pri Klavmapoj kaj Maldekstren.

Ĉi tiuj dialogoj havas forviŝ-butonon ĉe la supro-dekstro (⌫), kaj spac-butonon apude. Ĉe la malsupraj vicoj estas taŝkil-oj aŭ nikud-oj.

La lastaj du butonoj enmetas kodojn pri teksto-direkto: dekstro-al-maldekstro kaj maldekstro-al-dekstro (RLM, LRM). RLM kaj LRM estas foje necesaj kiam teksto havas ambaŭ arabajn (aŭ hebreajn) kaj romajn literojn en la sama linio. Klarigo pri la uzo de ĉi tiuj kodoj (en la angla) troviĝas ĉi tie.